பஸ் - முச்சக்கர வண்டி மோதிய விபத்தில் மூவர் காயம்

Colombo(News1st) ஹட்டன் டிக்கோயா பகுதியில் இடம்பெற்ற வாகன விபத்தில் மூவர் காயமடைந்துள்ளனர்.

மஸ்கெலியாலிருந்து ஹட்டன் நோக்கி பயணித்த பஸ்ஸும் ஹட்டனிலிருந்து டிக்கோயா நோக்கி பயணித்த முச்சக்கர வண்டியும் மோதி விபத்திற்குள்ளாகியுள்ளன.

விபத்தில் காயமடைந்த மூவரும் கிளங்கன் ஆதார வைத்தியசாலையில் அனுமதிக்கப்பட்டுள்ளனர்.

காயமடைந்தவர்களில் 16 வயதான சிறுமியும் அடங்குவதுடன் இவர்கள் பொகவந்தலாவ பகுதியைச் சேர்ந்தவர்கள் என பொலிஸார் தெரிவித்தனர்.

விபத்து தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.