கேத்தரின் வெஸ்ட் - பிரதமர் ஹரினி அமரசூரிய சந்திப்பு

Colombo (News 1st) ஐக்கிய இராச்சியத்தின் பாராளுமன்ற உறுப்பினர் மற்றும் இந்து பசிபிக் பிராந்தியத்திற்கான வெளிநாட்டு, பொதுநலவாய மற்றும் நிர்வாக மேம்பாட்டு அலுவலக அமைச்சரான கேத்தரின் வெஸ்ட்(Catherine West), பிரதமர் கலாநிதி ஹரினி அமரசூரியவை சந்தித்து கலந்துரையாடியுள்ளார்.

பிரதமர் அலுவலகத்தில் இந்த சந்திப்பு இடம்பெற்றுள்ளது.

இந்த சந்திப்பில் வறுமை ஒழிப்பு, பிராந்திய அபிவிருத்தி மற்றும் பொருளாதார சமநிலை உள்ளிட்ட அரசாங்கத்தின் பிரதான முன்னுரிமை திட்டங்கள் தொடர்பான விடயங்கள் கலந்துரையாடப்பட்டுள்ளன.

இலங்கையின் டிஜிட்டல் மயமாக்கலுக்கான முயற்சிகள் மற்றும் "கிளீன் ஸ்ரீலங்கா" வேலைத்திட்டம் ஆகிய விடயங்கள் தொடர்பில் இதன்போது கருத்துகள் பரிமாறப்பட்டுள்ளன.

இந்த சந்திப்பில் இலங்கைக்கான பிரித்தானிய தூதுவர் Andrew Patrick பங்கேற்றிருந்தமை குறிப்பிடத்தக்கது.