66 கடவுச்சீட்டுகளுடன் 2 சந்தேக நபர்கள் கைது

by Staff Writer 17-11-2024 | 2:53 PM

Colombo (News 1st) 66 கடவுச்சீட்டுகளுடன் 2 சந்தேகநபர்கள் கஹதுடுவ பகுதியில் கைது செய்யப்பட்டுள்ளனர்.

கஹதுடுவ - சியம்பலாகொட பகுதியில் நேற்று(16) குறித்த சந்தேகநபர்கள் கைது செய்யப்பட்டுள்ளனர்.

சியம்பலாகொடயை சேர்ந்த 38 வயதுடைய ஆண் மற்றும் 42 வயதான பெண் ஆகியோரே இவ்வாறு கைது செய்யப்பட்டுள்ளனர்.

வௌிநாட்டு வேலைவாய்ப்புகளை பெற்றுத்தருவதாகக் கூறி பலரிடமிருந்து 200,000 முதல் 300,000 ரூபா பணம் பெற்றுக்கொண்டுள்ளதுடன் அவர்களின் கடவுச்சீட்டுகளையும் சந்தேகநர்கள் பெற்றுக்கொண்டுள்ளனர்.

இராஜகிரிய பிரதேசத்திலுள்ள வீதியொன்றின் அருகில் இருந்துகொண்டு குறித்த சந்தேகநபர்கள் இந்த சட்டவிரோத செயற்பாட்டில் ஈடுப்பட்டுள்ளதாக கண்டறியப்பட்டுள்ளது.

தொழில் தேடுவோரை நேர்முகப்பரீட்சைக்கு அழைப்பதாகக் கூறி அவர்களிடம் இருந்து 2 முதல் 3 இலட்சம் ரூபா வரை பணம் பெறப்பட்டுள்ளதாக தெரியவந்துள்ளது.

கஹதுடுவ பொலிஸார் சம்பவம் தொடர்பான மேலதிக விசாரணைகளை முன்னெடுத்துள்ளனர்.