பிரபல தென்னிந்திய நடிகர் டெல்லி கணேஷ் காலமானார்

Colombo (News 1st) மூத்த தென்னிந்திய நடிகரான டெல்லி கணேஷ் தனது 80ஆவது வயதில் நேற்றிரவு(09) காலமானார்.

கே.பாலச்சந்தரின் 'பட்டினப் பிரவேசம்' திரைப்படம் மூலம் சினிமாவில் அறிமுகமான அவர், பல்வேறு கதாபாத்திரங்களில் நடித்து தனக்கென தனியான இரசிகர் பட்டாளத்தை வைத்திருந்தவர்.

இந்திய விமானப்படையில் பணியாற்றி வந்த நடிகர் டெல்லி கணேஷ், நடிப்பின் மீதிருந்த ஆர்வம் காரணமாக தனது பணியை துறந்திருந்தார்.

திரைப்படங்கள் மாத்திரமன்றி தொலைக்காட்சி தொடர்களிலும் நடித்திருந்தார்.

அன்னாரின் மறைவிற்கு திரை பிரபலங்கள் உள்ளிட்ட பலரும் இரங்கல் தெரிவித்து வருகின்றனர்.