நியூசிலாந்து,இலங்கை T20 கிரிக்கெட் தொடர் ஆரம்பம்

நியூசிலாந்து மற்றும் இலங்கை இடையிலான T20 கிரிக்கெட் தொடர் இன்று ஆரம்பம்

by Staff Writer 09-11-2024 | 5:35 PM

Colombo (News 1st) நியூசிலாந்து மற்றும் இலங்கை அணிகளுக்கிடையிலான 2 இருபதுக்கு 20 போட்டிகளைக் கொண்ட கிரிக்கெட் தொடர் இன்று (09) தம்புள்ளை சர்வதேச கிரிக்கெட் மைதானத்தில் ஆரம்பமாகவுள்ளது.

இன்றிரவு 7 மணிக்கு ஆரம்பமாகவுள்ள இந்த தொடரில் இலங்கை அணிக்கு சகலதுறை வீரர் சரித் அசலன்க தலைமை தாங்குகிறார்.

நியூசிலாந்து அணியை மிட்செல் சான்ட்னர் வழிநடத்தவுள்ளார்.

இரு அணிகளும் இதுவரை 23 சர்வதேச இருபதுக்கு20 போட்டிகளில் விளையாடியுள்ளதுடன் அவற்றில் 13 போட்டிகளில் நியூசிலாந்தும் 7 போட்டிகளில் இலங்கை அணியும் வெற்றி பெற்றுள்ளன.

இறுதியாக 2019 செப்டெம்பரில் நியூசிலாந்துக்கு எதிரான இருபதுக்கு20 போட்டியில் இலங்கை அணி வெற்றியீட்டியமை குறிப்பிடத்தக்கது.