பண்டாரவளையில் பாடசாலை மாணவர்கள் எழுவருக்கு விளக்கமறியல்

Colombo (News 1st) பண்டாரவளையில் உள்ள பாடசாலை ஒன்றில் மாணவர் ஒருவர் மீது தாக்குதல் மேற்கொண்ட 7 மாணவர்கள் விளக்கமறியலில் வைக்கப்பட்டுள்ளனர். பண்டாரவளை நீதவான் முன்னிலையில் மாணவர்கள் ஆஜர்படுத்தப்பட்ட போது எதிர்வரும் 10 ஆம் திகதி வரை அவர்கள் விளக்கமறியலில் வைக்கப்பட்டுள்ளனர். உயர்தர வகுப்பிலுள்ள மாணவர் ஒருவரை தாக்கியமை தொடர்பில் நேற்று (07) மாலை 7 மாணவர்களும் கைது செய்யப்பட்டனர். தாக்குதலுக்கு இலக்கான மாணவர் பண்டாரவளை ஆதார வைத்தியசாலையில் சிகிச்சை பெற்று வருகின்றார். தனிப்பட்ட பிரச்சினை காரணமாக இந்த தாக்குதல் இடம்பெற்றிருக்கக்கூடும் என பொலிஸார் தெரிவித்தனர்.