රස පරීක්ෂක වාර්තා ප්‍රමාදයෙන් රැඳවියන්ට ඇප ලබා දීමට බාධා, අවශ්‍ය කඩිනම් පියවර ගන්නැයි බන්ධනාගාර දෙපාර්තමේන්තුව අධිකරණ අමාත්‍යාංශයට දන්වයි.

COLOMBO(News1st) - ප්‍රමාද වී ඇති රස පරික්ෂක වාර්තා සම්බන්ධයෙන් අවශ්‍ය පියවර ගන්නැයි බන්ධනාගාර දෙපාර්තමේන්තුව විසින් අධිකරණ අමාත්‍යාංශයට දන්වා තිබේ.

වැඩබලන බන්ධනාගාර කොමසාරිස් ජනරාල් ප්‍රසාද් හේමන්ත සඳහන් කළේ, නිසි වේලාවට රස පරික්ෂක වාර්තා නොලැබීමෙන් රැඳවියන්ට ලබා ඇප දීම ප්‍රමාද වන බවයි.

ඒ හේතුවෙන් බන්ධනාගාරවල තදබදයක්ද හටගෙන ඇති බවත් ඔහු සඳහන් කළේ ය.

ඔහු වැඩිදුරටත් පැවසුවේ, බන්ධනාගාර තදබදයට හේතුවී ඇති මත්ද්‍රව්‍යවලට ඇබ්බැහි වූවන් ප්‍රතිකාර මධ්‍යස්ථානවලට යොමු කිරීමට පියවර ගන්නා ලෙසටද දැනුම් දී ඇති බවයි.

මේ වන විට දිවයින පුරා බන්ධනාගාරවල රැඳවියන් තිස් නම දහසක් පමණ රඳවා සිටියි.