ජනාධිපති මන්දිර 5ක් දීර්ඝකාලීන බදු පදනම මත සංචාරක ක්ෂේත්‍රයේ ආයෝජකයන්ට ලබාදීමට කැබිනට් අනුමැතිය...

COLOMBO (News 1st) - දිවයින පුරා පිහිටි ජනාධිපති මන්දිර 5ක් දීර්ඝ කාලීන බදු පදනම මත සංචාරක ක්ෂේත්‍රයේ ආයෝජකයන්ට ලබාදීමට කැබිනට් අනුමැතිය හිමිව තිබේ.

ඒ අනුව  බෙන්තොට, කතරගම, මහිංයගනය, ඇඹිලිපිටිය සහ අනුරාධපුර යන ප්‍රදේශවල පිහිටි  ජනාධිපති මන්දිර
සුදුසු ආයෝජකයන් වෙත ලබා දීමට නියමිතයි.

කැබිනට් තීරණ දැනුම් දීමේ මාධ්‍ය හමුවට එක්වෙමින් කැබිනට් ප්‍රකාශක අමාත්‍ය  නලින්ද ජයතිස්ස මහතා සඳහන් කළේ, ජනාධිපතිවරයාගේ නිල කටයුතු හා පෞද්ගලික විවේක අවස්ථාවන්හිදී ප්‍රයෝජනයට ගැනීමේ අරමුණින් පවත්වාගෙන යනු ලබන එම මන්දිර වර්තමාන ජනාධිපතිවරයාගේ කටයුතු සඳහා භාවිත නොකරන බවයි.