උසස් පෙළ ප්‍රවේශ පත්‍ර කලාප අධ්‍යාපන කාර්යාල වෙත

2025 උසස් පෙළ සහ සාමාන්‍ය තොරතුරු තාක්ෂණ විභාග සඳහා වන ප්‍රවේශ පත්‍ර කලාප අධ්‍යාපන කාර්යාල වෙත යොමු කෙරේ - විභාග දෙපාර්තමේන්තුව

by Staff writer 25-10-2025 | 7:23 AM

COLOMBO (News 1st) - 2025 උසස් පෙළ සහ සාමාන්‍ය තොරතුරු තාක්ෂණ විභාග සඳහා වන ප්‍රවේශ පත්‍ර කලාප අධ්‍යාපන කාර්යාල වෙත යොමුකර ඇතැයි විභාග දෙපාර්තමේන්තුව පවසයි.

සියළුම විදුහල්පතිවරුන් තම පාසලට අදාල කලාප අධ්‍යාපන කාර්යාලයේ විභාග විෂය භාර නියෝජ්‍ය/සහකාර අධ්‍යාපන අධ්‍යක්ෂකගෙන් ප්‍රවේශ පත්‍ර භාරගත යුතු බව විභාග කොමසාරිස් ජනරාල් ඉන්දිකා කුමාරි ලියනගේ මහත්මිය පැවසුවේ ය.

අපොස උසස් පෙළ විභාගය සඳහා පෙනී සිටින පෞද්ගලික අයදුම්කරුවන්ගේ ප්‍රවේශපත්‍ර ඔවුන්ගේ පෞද්ගලික ලිපිනයට තැපැල් මගින් යොමුකර ඇතැයි විභාග දෙපාර්තමේන්තුව පවසන ලදි.

විභාග කොමසාරිස් ජනරාල්වරිය පැවසුවේ අපේක්ෂකයින්ගේ නම්, මාධ්‍ය හා විෂය සංශෝධන තිබේ නම් හඳුන්වාදී ඇති වෙබ් අඩවිය තුලින් එම කටයුතු සිදුකල හැකි අතර සංශෝධන සිදුකිරීම ලබන 31 වැනිදායින් අවසන් කෙරෙන බවය.

2025 අපොස උසස් පෙළ විභාගය නොවැම්බර් මස 10 වැනිදා සිට දෙසැම්බර් 5 වැනිදා දක්වා විභාග මධ්‍යස්ථාන 2362 කදී පැවැත්වේ.

සාමාන්‍ය තොරතුරු තාක්ෂණ විභාගය දෙසැම්බර් මස 6 වැනිදා විභාග මධ්‍යස්ථාන 1665 කදී පැවැත්වීමට නියමිතය.