විවාහ වී සතියක් යන්නත් පෙර මධුසමය අතරතුර කාශ්මීර ප්‍රහාරයෙන් බිරිඳ තනිකර අවසන් ගමන් ගිය ඉන්දීය තරුණයෙකුගේ අනුවේදනීය කතාව

COLOMBO (News 1st)-ප්‍රේමයෙන් පටන් ගෙන විවාහයෙන් අවසන් වෙන ආදර කතා මේ ලෝකේ අපමණයි.

ඒත් විවාහ වෙලා නොබෝ දිනකින්ම තමන්ගේ දෑස් ඉදිරිපිටම සැමියා‍ මිය යාම බිරිඳකට කොතරම් වේදනාවක් ගෙන දෙන සිදුවීමක්ද?    

මේ ජීවිතයේ සුන්දරතම පරිච්ඡේදයක් පටන් ගන්න පෙරුම් පිරූ සුන්දර යුවලකට අත් වුණු ඛේදජනක කතාවක්..

හිමන්ෂි සෝවාමි සහ ලුතිනන් විනයි නර්වාල් අතිනත ගත්තේ මේ මාසේ 16 වැනිදා..

ඔවුන් තමන්ගෙ මධුසමය ගත කරන්න ගියේ කාශ්මීරයේ පහල්ගම් ප්‍රදේශයට යනවා.

ඒත් විවාහ ජීවිතය පිළිබඳ අපමණ සිහින වලින් පිරුණු ඇගේ හදවත දරුණු ලෙස බිඳී ගියේ මේ ගමනේදී ඇගේ සැමියා මියයාමත් සමගයි

ඒ ඉන්දියාවේ කාෂ්මීර ප්‍රදේශයේ සංචාරකයින් පිරිසක් ඉලක්ක කර සිදුවූ වෙඩි තැබීමකින්.   

හිමන්ෂිගේ සැමියා වන ඉන්දීය නාවික හමුදාවේ ලුතිනන් විනයි නර්වාල් මේ දරුණු ත්‍රස්ත ප්‍රහාරයෙන් මිය යනවා ‍

මේ වෙඩි තැබීමෙන් පුද්ගලයින් 26 දෙනෙකුට ජීවිත අහිමි වුණා.

මේක කතාව හරිම අනුවේදනීය කතාවක්

හිමන්ෂියි  නර්වාලුයි එයාලගේ මධුසමයට යන්න හිටියේ ස්විට්සර්ලන්තයේ

ඒත් වීසා ප්‍රමාදයක් නිසා ඒ සැලසුම් වෙනස් වුණ බවයි ඔවුන්ගේ සමීපතමයින් සඳහන් කරන්නේ..