ඩොමිනිකන් ජනරජයේ රාත්‍රී සමාජ ශාලාවක වහලයක් කඩා වැටීමෙන් මියගිය පිරිස 79ක් දක්වා ඉහළට..

COLOMBO (News 1st) - ඩොමිනිකන් ජනරජයේ රාත්‍රී සමාජ ශාලාවක වහලයක් කඩා වැටීමෙන් මියගිය පුද්ගලයින් ගණන 79ක් දක්වා ඉහළ ගොස් තිබේ.

විදෙස් මාධ්‍ය වාර්තා කළේ, ඉන් තවත් 155 අධික පිරිසක් තුවාල ලබා ඇති බවයි.

මෙම අනතුරින් උතුරු මොන්ටේ ක්‍රිස්ටි පළාතේ ආණ්ඩුකාර නෙල්සි කෲස් ද මියගොස් ඇතැයි වාර්තා වේ.

සැන්ටෝ ඩොමින්ගෝ අගනුවර පිහිටි ජෙට් සෙට් රාත්‍රී සමාජ ශාලාවේ තිබූ සංගීත ප්‍රසංගයක් අතරතුර වහලය කඩා වැටී තිබේ.

ජෙට් සෙට් යනු නිතිපතා නර්තන සහ සංගීත ප්‍රසංග පවත්වන අගනුවර ඇති ජනප්‍රියම රාත්‍රී සමාජ ශාලාවකි.

කෙසේ වෙතත්, අනතුරට හේතුව මෙතෙක් අණාවරණය වී නොමැත.