හෙට ලොව දිනන දරුවන් වෙනුවෙන් ඉදිකෙරෙන‍ වේදිකාව..

හෙට ලොව දිනන දරුවන් වෙනුවෙන් ඉදිකෙරෙන‍ වේදිකාව..

by Staff writer 05-04-2025 | 10:27 PM

COLOMBO (News1st) -

ගම්මැද්ද තවත් ව්‍යාපෘතියකට අද මුල් ගල් තැබුනේ ද සිරස වසන්ත උදානයට සමගාමීවයි

ඒ ගල්නෑවේ දී ය.

අනුරාධපුර දිස්ත්‍රික්කයේ ගල්නෑව අධ්‍යාපන කලාපයට අයත් කත්තරගම ප්‍රාථමික විද්‍යාලයේ දරුවන් 275 දෙනෙක් පමණ අකුරු කරනවා.

නැටුමට ගැයුමට එම දරුවන් දක්ෂ වුවද ඒ දක්ෂතා පෙන්වන්න, හරි වේදිකාවක් නැහැ.

ඔවුන් සෞන්දර්ය අධ්‍යාපනයේ ප්‍රායෝගික අත්දැකීම් බෙදා ගත්තේ ගස් යට.

කත්තරගම ප්‍රාථමික විදුහලේ විදුහල්පති මාලිනී රත්නායක මහත්මිය මේ ගැන ගම්මැද්දට කිව්වා

එම ගැටළුව හඳුනාගත්ත ගම්මැද්ද අද  කත්තරගම විද්‍යාලයට එළිමහන් රංගපීඨයක් ලබා දෙන්න මුල්ගල තැබුවේය

ව්‍යාපෘතියට අනුග්‍රහකත්වය ලබා දෙන්නේ  කොළඹ 05 පදිංචි සයිමන් සේනාරත්න මහතා සහ මහත්මිය.

මුල් ගල තැබීමේ උත්සවයට ගල්නෑව මධ්‍යමහා විද්‍යාලයේ සහකාර විදුහල්පති ශ්‍රි ගංගාරාම විහාරාධිපති පූජ්‍ය කත්තරගම උපනන්ද හිමියන්, MTV මාධ්‍ය ජාලයේ ප්‍රධාන මෙහෙයුම් නිලධාරී, ගම්මැද්ද නියෝජ්‍ය නායක යසරත් කමල්සිරි , සිරස TV අලෙවි සහ ප්‍රවර්ධන අධ්‍යක්ෂ චාමික රොෂාන්, මහවැලි අධිකාරියේ එච් කලාපයේ නේවාසික ව්‍යාපාර කළමනාකරු උභය කල්‍යාණ කුමාර,ගල්නෑව ප්‍රාදේශීය ලේකම් ජී එම් කේ ආර් ප්‍රියදර්ශන, ගල්නෑව කලාප අධ්‍යාපන අධ්‍යක්ෂ සුරංජි අමදූව, ගල්නෑව කොට්ඨාස අධ්‍යාපන අධ්‍යක්ෂ  පියුමි නිසංසලා බණ්ඩාර, ගල්නෑව පොලිස් ස්ථානාධිපති රොහාන් මුණසිංහ, කත්තරගම ප්‍රාථමික විද්‍යාලයේ විදුහල්පතිනී මාලිනී රත්නායක,  යන මහත්ම මහත්මීන් ඇතුළු පිරිසක් හා ගම්මැද්ද මහලේකම් ප්‍රසන්න අතුකෝරළ ඇතුළු ගම්මැද්ද කණ්ඩායම එක්විය.