පෙට්‍රල් බෝම්බ ගැසූ පුද්ගලයින් දෙදෙනකු කොටු...

05 හැවිරිදි පිරිමි දරුවෙකු ඝාතනය කර තවත් කාන්තාවකට බරපතළ තුවාල සිදුකළ පුද්ගලයින් දෙදෙනකු අත්අඩංගුවට

by Staff writer 03-04-2025 | 7:34 PM

COLOMBO (News1st) - පසුගිය 29වැනිදා පෙට්‍රල් බෝම්බ ප්‍රහාරයක් එල්ල කර 05 හැවිරිදි පිරිමි දරුවෙකු ඝාතනය කර තවත් කාන්තාවකට බරපතළ තුවාල සිදුකළ පුද්ගලයින් දෙදෙනකු අත්අඩංගුවට ගත්බව කළුතර කොට්ඨාශ අපරාධ විමර්ශන ඒකකය පවසයි.

මෙලෙස අත්අඩංගුවට පත්ව ඇත්තේ කළුතර, කෝන්ගොඩ ප්‍රදේශයේ පදිංචි වයස අවුරුදු 23ක සහ 25ක තරුණයින් දෙදෙනෙකි.

පොලීසිය සඳහන් කළේ, සැකකරුවන් ඉකුත් 29 වැනිදා රාත්‍රීයේ පෙට්‍රල් බෝම්බ ප්‍රහාරය එල්ලකර තිබූ අතර, එහිදී එම කාන්තාව තුවාල ලබා තිබූ අතර නිවසේ රූපවාහිනිය නැරඹීම සඳහා පැමිණ සිටී 05 හැවිරිදි පිරිමි දරුවෙකු මියගිය බවයි.

සැකකරුවන් ප්‍රහාරය සඳහා භාවිත කළ යතුරුපැදිය, තවත් පෙට්‍රල් බෝම්බයක් සෑදීමට භාවිතා කළ දෑ සහ ජංගම දුරකථන දෙකක් ද පොලීසිය සොයාගෙන ඇත.

කොන්ත්‍රාත්තුව වෙනුවෙන් සැකකරුවන්ට ලැබී ඇත්තේ රුපියල් 5000 ක මුදලක් බවට ද සිදුකල වැඩිදුර විමර්ශනවලදී හෙළිව ඇති බව වැටලීමට එක්වූ නිලධාරීන් සඳහන් කර තිබේ.

සැකකරුවන් කළුතර මහේස්ත්‍රාත් අධිකරණයට ඉදිරිපත් කිරිමට නියමිත අතර සිද්ධිය සම්බන්ධයෙන් කළුතර කොට්ඨාස අපරාධ වීමර්ශන ඒකකය වඩීදුර වීමර්ශන සිදු කරනු ලබයි.