යතුරු පැදි සොරකම් කර සංවිධානාත්මක අපරාධ කල්ලිවලට ලබාදෙන සැකකරුවෙකු අත්අඩංගුවට

COLOMBO (News 1st) –සංවිධානාත්මක අපරාධ කල්ලිවලට යතුරු පැදි සොරකම් කර ලබාදෙන සැකකරුවෙකු අත්අඩංගුවට ගෙන තිබේ.

ඒ, බස්නාහිර පළාත් උතුර අපරාධ කොට්ඨාසයේ නිලධාරීන් කළ මෙහෙයුමකදී ය.

ඔහු පසුගිය සති කිහිපය තුළ සොරාගෙන ඇති යතුරු පැදි සංඛ්‍යාව 7 කි.

ඉන් යතුරු පැදි 3ක් සොයාගෙන තිබේ.

ගම්පහ රෝහලේ මෘත ශරීරාගාරයේ සේවය කළ සැකකරුගේ වයස අවුරුදු 42 කි.