උරුමය ඉඩම් ඔප්පු වැඩසටහන සමාලෝචනයට විශේෂඥ කමිටුවක්...

COLOMBO (News 1st) - 'උරුමය' ඉඩම් ඔප්පු ලබා දීමේ ක්‍රියාවලිය අඛණ්ඩව ක්‍රියාත්මක කළ යුතු ද යන්න සම්බන්ධයෙන් නිර්දේශ ලබාදීමට විශේෂඥ කමිටුවක් පත්කර තිබේ.

ඒ, ඉඩම් හා වාරිමාර්ග අමාත්‍යවරයා විසිනි.

එම කමිටුවට සාමාජිකයින් 9 දෙනෙකු ඇතුළත්.

ඉඩම් හා වාරිමාර්ග නියෝජ්‍ය අමාත්‍ය සුසිල් රණසිංහ මහතා සඳහන් කළේ, කඩිනමින් අදාළ නිර්දේශ ලබාදෙන්නැයි කමිටුවට දැනුම්දී ඇති බවයි.