විදුලිබල පද්ධතියේ සමතුලිතතාවය පවත්වාගෙනයාමට හැකිවන පරිදි කිසිදු සැලැස්මක් පසුගිය කාලය තුළ ක්‍රියාත්මක කර නෑ - බලශක්ති අමාත්‍ය

COLOMBO (News 1st) -ජාතික විදුලිබල පද්ධතියේ සමතුලිතතාවය පවත්වාගෙනයාමට හැකිවන පරිදි කිසිඳු සැලැස්මක් පසුගිය කාලය තුළ ක්‍රියාත්මක කර නොමැති බව බලශක්ති අමාත්‍ය ඉංජිනේරු කුමාර ජයකොඩි මහතා පවසයි.

නිවේදනයක් නිකුත් කරමින් ඔහු පැවසුවේ පසුගිය රජයන්ගේ සැළසුම් රහිත කමත් අදූරදර්ශී වැඩපිළිවෙළත් විදුලිය බිඳවැටීමට හේතුවී ඇති බවයි.

මේ අතර ඇතැම් ප්‍රදේශවල විදුලිය සැපයුම කළමනාකරණය කිරීමට සිදුවනු ඇතැයි ලංකා විදුලිබල මණ්ඩලය පවසයි.

එහි සාමාන්‍යාධිකාරි වසන්ත එදිරිසූරිය මහතා පැවසුවේ, නොරෙච්චෝලේ ලක්විජය ගල් අඟුරු බලාගාරයේ ජනන යන්ත්‍ර 3 අක්‍රීය වීම හමුවේ එම තීරණය ගෙන ඇති බවයි.