19න් පහළ බාලිකා ලෝක කුසලානය වෙනුවෙන් ශ්‍රී ලංකාව සහ ඔස්ට්‍රේලියාව අද තරග බිමට..

by Hashini De Mel 29-01-2025 | 8:26 AM

COLOMBO ( News 1st ) - වයස අවුරුදු 19න් පහළ බාලිකා පන්දුවාර‍ 20යි 20 ලෝක කුසලාන ක්‍රිකට් තරගාවලියේ සුපර් සික්ස් වටයේ තවත් තරග දෙකක් මලයාසියාවේදි අද(29) පැවැත්වේ.

අද(29) දිනයේ පළමු තරගය පැවැත්වෙන්නේ අයර්ලන්ත සහ නයිජීරියා කණ්ඩායම් අතරයි.

සුපර් සික්ස් වටයේ 2වැනි කාණ්ඩයේ තරගයක් වන මෙය ශ්‍රී ලංකා වෙලාවෙන් අද(29) පෙරවරු 8.00ට ආරම්භ කිරීමට සැලසුම් කර තිබේ.

දෙවැනි තරගය පැවැත්වෙන්නේ ශ්‍රී ලංකා සහ ඔස්ට්‍රේලියා කණ්ඩායම් අතර පැවැත්වේ.

සුපර් සික්ස් වටයේ පළමු කාණ්ඩයේ තරගයක් වන එය මෙරට වෙලාවෙන් දහවල් 12ට ආරම්භ කිරීමට නියමිතයි.

වයස අවුරුදු 19න් පහළ බාලිකා පන්දුවාර‍ 20යි 20 ලෝක කුසලාන ක්‍රිකට් තරගාවලියේ සියලු තරග නිල දේශීය විකාශන අයිතිය හිමි එම් ටී වී මාධ්‍ය ජාලයේ ටීවී වන් නාලිකාව ඔස්සේ සහ www.sirasatv.lk වෙබ් අඩවිය ඔස්සේ ඔබට නැරඹිය හැකියි.