නව ගුවන් හමුදාපති ලෙස එයාර් වයිස් මාෂල් වාසු බන්දුල එදිරිසිංහ පත් කෙරේ

COLOMBO (News 1st) - ශ්‍රී ලංකා ගුවන් හමුදාවේ 20 වැනි ගුවන් හමුදාපති ලෙස එයාර් වයිස් මාෂල් වාසු බන්දුල එදිරිසිංහ මහතා පත් කර තිබේ.

ඒ, අනිද්දා (29) සිට ක්‍රියාත්මක වන පරිදියි.

ඔහු එයාර් මාෂල් ධුරයට උසස් කිරීමට නියමිත බව ද ශ්‍රී ලංකා ගුවන් හමුදාව සඳහන් කළේ ය.

වාසු බන්දුල එදිරිසිංහ මහතා මහනුවර ශාන්ත සිල්වෙස්තර විද්‍යාලයේ කීර්තිමත් ආදී ශිෂ්‍යයෙකි.

වත්මන් ගුවන් හමුදාපති එයාර් මාෂල් උදේනි රාජපක්ෂ මහතා එළැඹෙන 29 වැනි දා ධුරයෙන් විශ්‍රාම යෑමට නියමිත අතර ඔහු හෙට එයාර් චීෆ් මාෂල් ධූරයට උසස් කෙරුණු ඇති.