ඔස්ට්‍රේලියාවට එරෙහි ශ්‍රී ලංකා ටෙස්ට් සංචිතය නම් කෙරේ..

COLOMBO (News 1st) - ඔස්ට්‍රේලියාවට එරෙහි ටෙස්ට් ක්‍රිකට් තරගාවලිය සඳහා ශ්‍රී ලංකා සංචිතය අද(24) ප්‍රකාශයට පත් කර තිබේ.

ධනංජය ද සිල්වා ශ්‍රී ලංකා කණ්ඩායම මෙහෙයවනු ඇත.

අද නම් කළ සංචිතයට ක්‍රීඩකයින් 18 දෙනෙකු ඇතුළත් වේ.

ශ්‍රී ලංකා ක්‍රිකට් ආයතනය නිකුත් කළ නිවේදනයේ දැක්වෙන්නේ, ආබාධයකට ලක්ව සිටින පැතුම් නිස්සංකගේ ශාරීරික යෝග්‍යතාව අනුව ඔහුව තරගාවලියට සහභාගී කරවීම හෝ නොකිරීම තීරණය කරන බවයි.

දකුණු අප්‍රිකාවට එරෙහි ටෙස්ට් ක්‍රිකට් තරගාවලියට ඇතුළත් නොවූ නවක ක්‍රීඩක ලහිරු උදාර, සොනාල් දිනූෂ සහ ජෙෆ්රි වැන්ඩර්සේ අද නම් කළ සංචිතයට කැඳවා තිබේ.

කෙසේ නමුත්, දකුණු අප්‍රිකා සංචාරයට එක් වූ ලසිත් ඇඹුල්දෙණිය සහ කසුන් රාජිත ඊට ඇතුළත්ව නැත.

තරග දෙකකින් සමන්විත වෝන් - මුරලි  කුසලාන ටෙස්ට් ක්‍රිකට් තරගාවලිය ගාල්ල ජාත්‍යන්තර ක්‍රිකට් ක්‍රීඩාංගණයේදී ලබන 29 වැනි දා ආරම්භ වීමට නියමිතයි.