19 පහළ බාලිකා T20 ලෝක කුසලානයේ ශ්‍රී ලංකාව සහ බටහිර ඉන්දීය කොදෙව් සටන අද

COLOMBO (News 1st) - වයස අවුරුදු 19න් පහළ පන්දුවාර‍ 20යි 20 බාලිකා ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන දෙවැනි තරගය අද(21) පැවැත්වේ.

ඒ, බටහිර ඉන්දීය කොදෙව් කණ්ඩායම සමගයි.

මලයාසියාවේ ක්වාලාලම්පූර්හිදී පැවැත්වෙන තරගය මෙරට වෙලාවෙන් අද උදෑසන 8.00ට ආරම්භ කිරීමට නියමිතයි.

මීට අමතරව අද සත්කාරක මලයාසියා සහ ඉන්දීය කණ්ඩායම් අතර තරගය ද පැවැත්වේ.

මලයාසියාවේ ක්වාලාලම්පූර්හිදී පැවැත්වෙන එම තරගය මෙරට වේලාවෙන් අද දහවල් 12.00ට ආරම්භ කිරීමට නියමිතයි.

තරගාවලියේ සියලු තරග නිල දේශීය විකාශන අයිතිය හිමි MTV මාධ්‍ය ජාලයට අයත් TV1 නාලිකාවෙන් සහ www.sirasatv.lk වෙබ් අඩවිය ඔස්සේ ඔබට නැරඹිය හැකියි.