පොලිස් විශේෂ ආරක්ෂක දිසාවේ වැඩබැලීම සඳහා නියෝජ්‍ය පොලිස්පති ජගත් විශාන්ත පත්කෙරේ...

COLOMBO (News 1st) - පොලිස් විශේෂ ආරක්ෂක දිසාවේ වැඩබැලීම සඳහා නියෝජ්‍ය පොලිස්පතිවරයා ලෙස නියෝජ්‍ය පොලිස්පති ජගත් විශාන්ත මහතා පත්කර තිබේ.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධීකාරි බුද්ධික මනතුංග මහතා පැවසුවේ,  වැඩබලන බලන පොලිස්පති ප්‍රියන්ත වීරසුරිය මහතා එම පත්කිරීම සිදුකර ඇති බවයි.

නියෝජ්‍ය පොලිස්පති ජගත් විශාන්ත මහතා මීට පෙර මඩකලපුව දිසාව භාර නියෝජ්‍ය පොලිස්පතිවරයා ලෙස කටයුතු කළේ ය.

පොලිස් මාධ්‍ය ප්‍රකාශකවරයා සඳහන් කළේ, මඩකලපුව දිසාවේ රාජකාරි කටයුතු ආවරණය කිරීම, අම්පාර දිසාව භාර නියෝජ්‍ය පොලිස්පති එච්.සමුද්‍රජීව මහතා විසින් සිදුකරන බවයි.