මහීෂ් තීක්ෂණ නවතම එක්දින ක්‍රිකට් පන්දු යවන්නන්ගේ ශ්‍රේණිගත කිරීම්හි තුන්වැනි ස්ථානය දක්වා ඉදිරියට..

COLOMBO (News1st) - ශ්‍රී ලංකා දඟ පන්දු යවන ක්‍රීඩක මහීෂ් තීක්ෂණ නවතම එක්දින ක්‍රිකට් පන්දු යවන්නන්ගේ ශ්‍රේණිගත කිරීම්හි තුන්වැනි ස්ථානය දක්වා ඉදිරියට පැමිණ තිබේ.

ජාත්‍යන්තර ක්‍රිකට් කවුන්සිලය මගින් නවතම ශ්‍රේණිගත කිරීම් ලේඛනය ප්‍රකාශයට පත්කර තිබේ.

ඒ අනුව මහීෂ් තීක්ෂණ එක්දින පන්දු යවන්නන්ගේ ශ්‍රේණිගත කිරීම්හි තුන්වැනි ස්ථානය දක්වා ඉදිරියට පැමිණ ඇත්තේ ස්ථාන 04කින් ඉදිරියට පැමිණෙමින් ය.

එක්දින ජාත්‍යන්තර ක්‍රිකට් තරග 50කදී ශ්‍රී ලංකාව නියෝජනය කර ඇති මහීෂ් දවාගෙන ඇති කඩුලු සංඛ්‍යාව 72කි.

ඔහු මේ වන විට පන්දුවාර 20යි 20 ජාත්‍යන්තර පන්දුයවන්නන්ගේ ශ්‍රේණිගත කිරීම්හි 06වැනි ස්ථානයේ රැදී සිටී.