ශ්‍රී ලංකාවට එරෙහි පළමු එක්දින තරගයේ ජය නවසීලන්තයට..

COLOMBO (News 1st) - ශ්‍රී ලංකාව සමග පැවති පළමු එක්දින ක්‍රිකට් තරගය නවසීලන්තය කඩුලු 9කින් අද (05) ජය ගත්තේ ය.

වෙලිංන්ග්ටන්හිදී පැවති තරගයේ පළමුව පන්දුවට පහර දුන් ශ්‍රී ලංකා කණ්ඩායම පන්දුවාර 43යි පන්දු 4ක් තුළ සියලු දෙනා දැවී රැස් කළ ලකුණු සංඛ්‍යාව 178ක්.

අවිශ්ක ප්‍රනාන්දු එක්දින ක්‍රිකට් පිටියේ 9වැනි අර්ධ ශතකය රැස් කිරීමට සමත් විය.

ලකුණු 179ක ඉලක්කයක් හඹා ගිය නවසීලන්තය තරගය ජය ගත්තේ පන්දුවාර 26යි පන්දු 2ක් තුළ කඩුල්ලක් පමණක් දැවී සිටියදී යි.

අගනා ඉනිමක් ක්‍රීඩා කළ විල් යන්ග් නොදැවී ලකුණු 90ක් රැස් කළේ ය.