කටුනායක ගුවන්තොටුපොළ ගැන පළවන වර්තා අසත්‍යයි - ගුවන් තොටුපොළ හා ගුවන් සේවා සමාගම

COLOMBO (News 1st) - කටුනායක ජාත්‍යන්තර ගුවන් තොටුපොළේ මගීන් හැරදමා ගිය ගමන් මලු පහසු මිලට විකිණීම සම්බන්ධයෙන් පළ වන වාර්තා අසත්‍ය බව, ගුවන් තොටුපොළ හා ගුවන් සේවා සමාගම පවසයි.

නිවේදනයක් නිකුත් කරමින් එම සමාගම සඳහන් කළේ, ගුවන් තොටුපොළේ නිල ලාංඡනය හා නිල සමාජ මාධ්‍ය ජාලෙවලට සමාන ව්‍යාජ ගිණුම් හරහා එම පණිවිඩ සංසරණය වන බවයි.

එවැනි ගමන් මලු අලෙවිය සම්බන්ධයෙන් සංසරණය වන පණිවිඩ විවර කිරීමෙන් වළකින්නැයි, එම සමාගම ජනතාවට දැනුම් දෙයි.

ඊට අදාළ නීතිමය පියවර ගැනීමට විමර්ශන ක්‍රියාත්මකයි.