News 1st ප්‍රාදේශීය වාර්තාකරුවන්ගේ අභිමානවත් වාර්ෂික සමුළුව ස්ටයින් මැදිරි සංකීර්ණයේදී..

COLOMBO (News 1st) - News 1st ප්‍රාදේශීය වාර්තාකරුවන්ගේ වාර්ෂික සමුළුව අද (04) පැවැත්විය.

ඒ, රත්මලාන ස්ටයින් මැදිරි සංකීර්ණයේදීයි.

දශක තුනකට අධික කාලයක් රටේ ජනතාව වෙනුවෙන් නිවැරදි අපක්ෂපාතී වාර්තාකරණයක නියැලෙන රටේ සිව්කොන විසිරී සිටින ප්‍රාදේශීය නායකයින් News 1st අපේ ශක්තියයි.

අව්වැසි ගංවතුර මධ්‍යයේ ඔවුන් ජීවිත අවදානම ද නොතකමින් මාධ්‍යකරණයේ නිරතවන්නේ, ඔබ අප සැමගේ සත්‍ය දැන ගැනීමේ අයිතිය වෙනුවෙනි.

ප්‍රාදේශීය නායකයින්ගේ දීර්ඝ කාලීන සේවාව අගයමින් පැවති මෙම වැඩසටහන පැවැත්වුණේ, කැපිටල් මහරාජා සමූහයේ සභාපති සෂී රාජ මහේන්ද්‍රන් මහතාගේ ප්‍රධානත්වයෙනි.

එම අවස්ථාව සඳහා කැපිටල් මහරාජා සමූහයේ, සමූහ අධ්‍යක්ෂ ශෙවාන් ඩැනියල් මහතා ප්‍රමුඛ News 1st ඉහළ කළමණාකාරීත්වය ද සහභාගී විය.

මෙවර වාර්ෂික සමුළුවේ ප්‍රධාන ආරාධිතයා ලෙස සහභාගී වූයේ, හිටපු ක්‍රිකට් නායක මාවන් අතපත්තු මහතායි.

News 1st ප්‍රාදේශීය නායකයින්ගේ සමුළුවේ ආරාධිත දේශනය පැවැත්වුයේ ලොව ප්‍රකට ක්‍රිකට් ක්‍රීඩක, හිටපු ක්‍රිකට් නායක මාවන් අතපත්තු මහතායි.

සමුළුව විවිධ විශේෂාංගයන්ගෙන් ද වර්ණවත් විය.

News 1st  ප්‍රාදේශීය නායකයින් සැමදා අපේ ශක්තියයි..