ශ්‍රී ලංකා - නවසීලන්ත තුන්වැනි 20යි 20 ක්‍රිකට් තරගය ඇරඹේ

COLOMBO (News 1st) - සත්කාරක නවසීලන්ත සහ ශ්‍රී ලංකා කණ්ඩායම් අතර තුන්වැනි පන්දුවාර 20යි 20 ක්‍රිකට් තරගය දැන් පැවැත්වේ.

ඒ, නවසීලන්තයේ නෙල්සන්හිදීයි.

ක්‍රීඩාංගණයේ තෙත සහිත බව හේතුවෙන් තරගයේ කාසියේ වාසිය උරගා බැලීම සිදු කළේ මිනිත්තු 15ක පමණ ප්‍රමාදයකින් අනතුරුවයි.

කාසියේ වාසිය ජය ගත් නවසීලන්ත කණ්ඩායම පළමුව පන්දු රැකීමට තීරණය කළේ ය.

ඒ අනුව පන්දුවට පහර දෙන ශ්‍රී ලංකා කණ්ඩායම පන්දුවාර 3ක් තුළ කඩුල්ලක් දැවී රැස් කරගෙන සිටි ලකුණු සංඛ්‍යාව 24කි.

කමිදු මෙන්ඩිස් සහ මතීෂ පතිරණ වෙනුවට අද තරගයේදි භානුක රාජපක්ෂ සහ චමිදු වික්‍රමසිංහ ශ්‍රී ලංකා කණ්ඩායමට කැඳවා තිබේ.