මේ වසර තුළ අලි මරණ 350 - වනජීවී දෙපාර්තමේන්තුව

COLOMBO (News 1st) - මෙම වසර තුළ වන අලි 350 දෙනෙකු පමණ මියගොස් ඇතැයි, වනජීවී දෙපාර්තමේන්තුව පවසයි.

ඉන්, වැඩිම මරණ සංඛ්‍යාවක් වාර්තා වන්නේ, වෙඩි තැබීම් වලින්.

එම සංඛ්‍යාව, 70 කට ආසන්නයි.

විදුලි සැර වැදීමෙන් වන අලි 50 දෙනෙකු මියගොස් තිබේ.

හක්ක පටස් ආහාරයට ගැනීමෙන් 35 කට ආසන්න පිරිසක් මියගොස් තිබිණි.

දුම්රියේ ගැටී මියගොස් ඇති වන අලි සංඛ්‍යාව, 10 ක්.

පෙර වසරවලට සාපේක්ෂව මෙම වසරේ වන අලි මරණ වාර්තා වීම ඉහළ ගොස් ඇතැයි ද, වන ජීවී දෙපාර්තමේන්තුව සඳහන් කළේ ය.

මේ අතර ගම්වදින වන අලි පළවා හැරීමේ මෙහෙයුමක් ආරම්භ කර තිබේ.

ඒ, හම්බන්තොට, අනුරාධපුර සහ පොළොන්නරුව යන දිස්ත්‍රික්ක කේන්ද්‍ර කරගනිමිනි.