පනාගොඩ ප්‍රදේශයේ නිවසක් ඉලක්ක කර වෙඩි තැබීමක්

COLOMBO (News 1st) - පනාගොඩ, රණවිරු ගම්මානයේ පිහිටි නිවසක් ඉලක්ක කර අද (18) අලුයම වෙඩි තැබීමක් සිදුව තිබේ.

පොලීසිය පැවසුවේ, යතුරු පැදියකින් පැමිණි දෙදෙනෙකු විසින් පිස්තෝලයක් භාවිත කර මෙම වෙඩි තැබීම සිදු කර ඇති බවයි.

ඉන් කිසිවෙකුටත් හානියක් වී නැත.

නිවෙස් හිමිකරු මත්ද්‍රව්‍ය ජාවාරම් කිරීම සම්බන්ධයෙන් චෝදනා ලැබූවෙකි.

සිද්ධිය සම්බන්ධයෙන් මීගොඩ පොලීසිය පරීක්ෂණ ආරම්භ කර ඇත.