ඊශ්‍රායල රැකියා සඳහා ගිය ලාංකිකයින් 17ක් පිටුවහල් කිරීමට නියෝග

COLOMBO (News 1st) - ඊශ්‍රායලයේ රැකියා සඳහා ගිය ලාංකිකයින් 17 දෙනෙකු පිටුවහල් කිරීමට එරට රජය තීරණය කර තිබේ.

ඊශ්‍රායලයේ ශ්‍රී ලංකා තානාපති නිමල් බණ්ඩාර මහතා සඳහන් කළේ, කෘෂිකර්ම වීසා මත පැමිණි ඔවුන් සේවා ස්ථානවලින් පළා ගොස් බේකරිවල සේවයේ යෙදී ඇති බවයි.

එහිදී අත්අඩංගුවට පත්ව ඇති ඔවුන්, එරට ආරක්ෂක අංශ භාරයේ රඳවා ගෙන ඇතැයි නිමල් බණ්ඩාර මහතා සඳහන් කළේ ය.

ඊශ්‍රායලය, සිය රටට පැමිණෙන විදේශකයින් පිළිබඳ නිරන්තර අවධානයෙන් පසුවන රටකි.

මේ අතර සේවා කොන්දේසි කඩ කළ තවත් ලාංකික සාත්තු සේවිකාවක් හා පුද්ගලයෙකු පසුගිය දා යළි මෙරටට එවා තිබුණි.

ඒ, අසාදු ලේඛනගත කරමිනි.