ශ්‍රී ලංකා - දකුණු අප්‍රිකා තීරණාත්මක දෙවැනි ටෙස්ට් සටන අද ඇරඹේ..

COLOMBO (News 1st) - ශ්‍රී ලංකා - දකුණු අප්‍රිකා දෙවැනි ටෙස්ට් ක්‍රිකට් තරගය අද (05) ආරම්භ වේ.

ඒ, දකුණු අප්‍රිකාවේ ජෝර්ජ් පාක් ක්‍රීඩාංගණයේදීයි.

ටෙස්ට් ක්‍රිකට් ලෝක ශූරතාවලිය යටතේ මෙම තරගය පැවැත්වේ.

ඩර්බන්හිදී පැවැති පළමු තරගය ලකුණු 233කින් ජය ගත්තේ සත්කාරක දකුණු අප්‍රිකාවයි.

දෙරට අතර මේ දක්වා පවත්වා ඇති ටෙස්ට් තරග 32න් තරග 9ක් ශ්‍රී ලංකාව ජය ගෙන ඇත.

තරග 17ක් ජය ගත්තේ දකුණු අප්‍රිකාවයි.

අනෙක් තරග 6 ජය පරාජයෙන් තොරව අවසන්ව තිබේ.

අද තරගය මෙරට වේලාවෙන් පස්වරු 1.30ට ආරම්භ වීමට නියමිතයි.