ගංවතුරෙන් හානි වූ කුඹුරු ඇතුළු වගා බිම්වලට වසර අවසන් වීමට පෙර වන්දි - කෘෂිකාර්මික හා ගොවිජන රක්ෂණ මණ්ඩලය

COLOMBO (News 1st) - ගංවතුරෙන් හානි වූ කුඹුරු ඇතුළු වගා බිම් සඳහා මේ වසර අවසන් වීමට පෙර වන්දි ලබා දෙන බව කෘෂිකාර්මික හා ගොවිජන රක්ෂණ මණ්ඩලය පවසයි.

එහි සභාපති ප්‍රේමසිරි ජාසිංහආරච්චි මහතා සඳහන් කළේ, ගොවිබිම්වලට වූ හානි පරීක්ෂා කිරීම මේ වනවිට ආරම්භ කර ඇති බවය.

ඒ සඳහා කණ්ඩායම් 15ක් අනියුක්ත කර ඇති බව ද ඔහු ප්‍රකාශ කළේ ය.

වී, බඩ ඉරිගු, සොයා, අර්තාපල්, මිරිස් හා ලොකු ලූණු යන භෝග වගාවන්ට ගංවතුරෙන් වූ හානිය සලකා බලා අක්කරයකට උපරිමය රුපියල් 40,000ක් වන සේ වන්දි ප්‍රදානය කරන බව ද සභාපතිවරයා පැවසුවේය.