ශ්‍රී ලාංකීය සංගීතය ජාත්‍යන්තරයට රැගෙන යමින් විප්ලවීය වෙනසක් කළ M Entertainments 25 වැනි සංවත්සරය සමරයි

COLOMBO ( News 1st ) - ශ්‍රී ලාංකීය සංගීතය ජාත්‍යන්තරයට රැගෙන යමින් විප්ලවීය වෙනසක් සිදු කළ M Entertainments අද(03) සිය 25 වැනි සංවත්සරය සමරයි.

සිරස මාධ්‍ය ජාලය අයත් කැපිටල් මහාරාජා සමූහයේ M Entertainments මෙරට සංගීත ක්ෂේත්‍රයටත් එය ජාත්‍යන්තර වේදිකාවට රැගෙනයාම සඳහාත් අද්විතීය මෙහෙවරක් සිදු කළ නාමයකි.

එය BNS / ඉරාජ් / අශාන්ති / උමාරියා / සෙන්ටිග්‍රේඩ්ස් ඇතුළු බොහෝ ගායක ගායිකාවන්නේ හා සංගීත කණ්ඩායම්වල වෘත්තිය ගමන දියත් කෙරුණු මෙරට ප්‍රබලතම සංගීත සන්නාමයයි.

වසර ගණනාවක් පුරා මෙරට රසික හදවත් තුළට විවිධ විත්‍රපට නිර්මාණ තුළින් සමීප වන්නට ද M Entertainments සමත් විය.

අද(03) එහි 25 වැනි සැමරුම පැවැත්වුණේ, කැපිටල් මහරාජා සමූහයේ ජ්‍යෙෂ්ඨ කළමනාකාරීත්වය සහ MEntertainment කාර්ය මණ්ඩලයේ එකතුවෙනි.