පුරාවස්තු කැණීම් කරමින් සිටි පුද්ගලයින් 3ක් අත්අඩංගුවට..

COLOMBO ( News 1st ) - වැලිමඩ, බලතොටඇල්ල ප්‍රදේශයේදී පුරා වස්තු ලබාගැනීම සඳහා කැණීම් කරමින් සිටි පුද්ගලයින් තිදෙනෙකු අත්අඩංගුවට ගෙන තිබේ.

ඒ, බණ්ඩාරවෙල කොට්ඨාස අපරාධ විමර්ශන කාර්යංශයේ නිලධාරීන් විසිනි.

සැකකරුවන් සතුව තිබී කැණීම් උපකරණ සහ පූජා භාණ්ඩද සොයාගෙන තිබුණි.

ඔවුන් වැලිමඩ සහ මහියංගනය ප්‍රදේශවල පදිංචිකරුවන්ය.

සැකකරුවන් වැඩිදුර විමර්ශන සඳහා වැලිමඩ පොලීසියට භාරදී තිබේ.