සීතලට දැල් වූ ගින්නක් ව්‍යාප්ත වී පුද්ගලයෙකු මරුට...

COLOMBO (News 1st) –මුලතිව් , ආදර්ශ ගම්මානය , සීලාවත්ත ප්‍රදේශයේ නිවසක ඇතිවූ ගින්නකින් පුද්ගලයෙකු මිය ගොස් තිබේ.

පොලිසිය සඳහන් කළේ, 75 හැවිරිදි පුද්ගලයෙක් එලෙස මිය ගොස් ඇති බවයි.

ඔහු නිවසේ තනිව ජීවත්ව සිට ඇති අතර, සීතල හේතුවෙන් නිවස තුළ දල්වන ගින්නක් ව්‍යාප්ත වීමෙන් ඔහු පිළිස්සී ‍ඇතැයි පොලිසිය ප්‍රකාශ කළේ ය.

මේ අතර, වාහල්කඩ ගල්කඩවල ප්‍රදේශයේදී ද පුද්ගලයෙකු පිළිස්සී මිය ගොස් තිබේ.

පොලිසිය පවසන්නේ මෙම මරණය සැක සහිත බවයි.

ඔහු හේනක රැදී සිටියදී එහි තිබූ ගිනි ගොඩකට වැටී පිළිස්සි මිය ගොස් තිබේ.

මිය ගොස් ඇත්තේ 72 හැවිදිරි පුද්ගලයෙකි.