මැඩගස්කරය ආසන්න මුහුදේ සංක්‍රමණික බෝට්ටු දෙකක් පෙරළීමෙන් 22 දෙනෙකු මරුට..

COLOMBO ( News 1st ) -  මැඩගස්කරය ආසන්න මුහුදේ සංක්‍රමණික බෝට්ටු දෙකක් පෙරළීමෙන් සෝමාලියානු පුරවැසියන් 22 දෙනෙකු මියගොස් තිබේ.

විදෙස් මාධ්‍ය වාර්තා  කළේ, එක් බෝට්ටුකින් පුද්ගලයින් 25 දෙනෙකු සහ අනෙක් බෝට්ටුවෙන් පුද්ගලයින් 23දෙනෙකු බේරාගෙන ඇති බවයි.

එම බෝට්ටු දෙකේ යාත්‍රා කරමින් සිට ඇති පුද්ගලයින් සංඛ්‍යාව 70ක්.

මෙම බෝට්ටු නොවැම්බර් 2 වන දින සෝමාලියාවේ සිට පැමිණ ඇති බවත් විදෙස් වාර්තාවල සඳහන්.

සෝමාලියාව සඳහන් කළේ නීතිවිරෝධී සංක්‍රමණ සිදුකරමින් බෝට්ටු යාත්‍රා කළේ කුමන රටකටදැයි සොයා, විමර්ශන ක්‍රියාත්මක බවයි.