බොට්ටුවක් පෙරළී පියා සහ දියණිය අතුරුදන්

COLOMBO ( News 1st ) - මීගමුව මුන්නක්කරෙයි කලපු ප්‍රදේශයේ බොට්ටු සවාරියක නිරත වූ බොට්ටුවක් පෙරළී දෙදෙනෙකු අතුරුදන් ව තිබේ.

50 හැවිරිදි පියා සහ 20  හැවිරිදි දියණිය එලෙස අතුරුදන් ව ඇති බව පොලීසිය සඳහන් කළේ  ය.

අදාළ බෝට්ටුව පාලනය කරගත නොහැකිව තවත් බෝට්ටුවක ගැටීමෙන් අනතුර සිදුව තිබේ.

එම අවස්ථාවේ බොට්ටුවේ මගීන් 7 දෙනෙකු ගමන් කර ඇති අතර ඔවුන් සියලු දෙනා අනතුරත් සමග කලපුවට වැටී ඇති බව සඳහන්ය.

අනතුරින් පුද්ගලයින් 5 දෙනෙකු දිවි බේරාගෙන ඇත.

ඔවුන් රෝහල් ගතකර ඇති අතර අතුරුදන් වූ පියා සහ දියණිය සොයා මෙහෙයුම් ක්‍රියාත්මකයි.