මැතිවරණයට ගම්බිම් බලා ගිය ජනතාවට යළි කොළඹට එන්න විශේෂ ප්‍රවාහන සේවා..

COLOMBO (News 1st) -

ජාතික ගමනාගමන කොමිසම සඳහන් කළේ, ගම්බිම් බලා ගිය විශාල පිරිසක් හෙට හා අනිද්දා යළි කොළඹ බලා පැමිණීමට නියමිත බවයි.

ඒ හේතුවෙන් ඇතිවිය හැකි මගී තදබදය අවම කර ගැනීම සඳහා කල් වේලා ඇති ගමන් පහසුව සලසා ගන්නා ලෙස ගමනාගමන කොමිසම මගී ජනතාවට දැනුම් දෙයි.

මේ අතර , මැතිවරණයට ගම්බිම් බලා ගිය ජනතාව වෙනුවෙන් දුර ගමන් සේවා බස් රථ යොදවා ඇති බව ලංකා ගමනාගමන මණ්ඩලයේ සභාපති රමාල් සිරිවර්ධන මහතා සඳහන් කළේ ය.

පෞද්ගලික බස් රථවලින් 25% ක පමණ ප්‍රමාණයක් අද දිනයේ ධාවනයට යොදවා ඇතැයි ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා සඳහන් කළේ ය.