මැතිවරණ කාලයේ ඇති වන ආපදා දැනුම් දීමට විශේෂ දුරකතන අංක 06 ක්..

COLOMBO (News 1st) –මැතිවරණ කාල සීමාව තුළ ඇතිවිය හැකි ආපදාවන් පිළිබඳ දැනුම් දීමට විශේෂ දුරකතන අංක 06 ක් හඳුන්වා දී තිබේ.

ආපදා කළමනාකරණ මධ්‍යස්ථානය පැවසුවේ,  0702117117 , 0113668032 , 0113668087 ,0113668025 ,0113668026 හා  011 366 80 19 යන දුරකතන අංක ඒ සඳහා හඳුන්වා දී ඇති බවයි.

ලබන 16 වැනිදා දක්වා මෙම විශේෂ වැඩපිළිවෙළ ක්‍රියාත්මක බව ආපදා කළමනාකරණ මධ්‍යස්ථානය පැවසුවේ ය.

එම මධ්‍යස්ථානය සඳහන් කළේ, කාලගුණ විද්‍යා දෙපාර්තමේන්තුව, වාරිමාර්ග දෙපාර්තමේන්තුව, ජාතික ගොඩනැගිලි පර්යේෂණ සංවිධානය සහ ත්‍රිවිධ හමුදාව සහ පොලිසිය සමග එක්ව එම වැඩපිළිවෙළ ක්‍රියාත්මක බවයි.