වනිඳු හසරංගට නවසීලන්තයට එරෙහි එක්දින තරගාවලිය අහිමි වෙයි

COLOMBO ( News 1st ) - ශ්‍රී ලංකා ක්‍රිකට් කණ්ඩායමේ තුන්ඉරියව් ක්‍රීඩක වනිඳු හසරංගට නවසීලන්තයට එරෙහි එක්දින තරගාවලිය අහිමි වී තිබේ.

ඒ, නවසීලන්තය සමග පැවති දෙවැනි පන්දුවාර 20යි 20 ක්‍රිකට් තරගයේදී ආබාධයකට ලක්වීම හේතුවෙනි.

ඔහු වෙනුවට තුන් ඉරියව් ක්‍රීඩක දුෂාන් හේමන්ත ශ්‍රී ලංකා සංචිතයට එක් කර ඇති බව ශ්‍රී ලංකා ක්‍රිකට් ආයතනය අද(12) නිවේදනය කළේ ය.

තරග 3කින් සමන්විත ශ්‍රී ලංකා - නවසීලන්ත එක්දින ක්‍රිකට් තරගාවලියේ පළමු තරගය හෙට(13) රන්ගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදි ආරම්භ වීමට නියමිතයි.

මේ අතර ශ්‍රී ලංකාවට එරෙහි දෙවන 20යි 20 තරගයේදී කඩුලු ත්‍රිත්වයක් ලබාගත් නවසීලන්ත ක්‍රීඩක ලොකී ෆර්ගසන්ට පාදයේ ඇතිවූ ආබාධයක් හේතුවෙන් එක්දින තරගාවලිය අහිමි වී තිබේ.