කොළඹ කොච්චිකඩේ ශාන්ත අන්තෝනි මුනිඳුන්ගේ දේවස්ථානයේ 189 වන වාර්ෂික මංගල්‍යය අද

COLOMBO (News 1st) - කොළඹ, කොච්චිකඩේ ශාන්ත අන්තෝනි මුනිඳුන්ගේ දේවස්ථානයේ 189 වන වාර්ෂික මංගල්‍යය අද (13) පැවැත්වේ.

මංගල මහා දිව්‍ය පූජාව උදෑසන 10.00 ට පැවැත්වෙන්නේ, කොළඹ පදවියේ සහයක රදගුරු අතිඋතුම් මැක්ස්වල් සිල්වා හිමිපාණන්ගේ ප්‍රධානත්වයෙනි.

මීට අමතරව උදෑසන 8.00 ට දමිළ භාෂාවෙන් සහ දහවල් 12.00 ට ඉංග්‍රීසි භාෂාවෙන් මංගල මහා දිව්‍ය පූජාවන් පැවැත්වෙනු ඇති.

පස්වරු 5.30 ට ශාන්ත අන්තෝනි මුනිතුමන්ගේ ප්‍රතිමාව රැගත් පෙරහැර ආරම්භ කිරීමට නියමිතය.

ශාන්ත අන්තෝනි මුනිඳුන්ගේ ප්‍රතිමාවෙන් ආශිර්වාදය දානය කිරීම පස්වරු 8.00ට කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන්ගේ ප්‍රධානත්වයෙන් සිදුකිරීමට නියමිතයි.