ගිනිකොණදිග හා නිරිතදිග බෙංගාල බොක්ක මුහුදේ ධීවර කටයුතු විමසිල්ලෙන්

COLOMBO ( News 1 st ) - ගිනිකොණ දිග හා නිරිතදිග බෙංගාල බොක්ක මුහුදු ප්‍රදේශයේ ධීවර හා නාවික කටයුතුවල යෙදීමේදී විමසිලිමත් වන ලෙස කාලගුණ විද්‍යා දෙපාර්තමේන්තුව පවසයි.

එම දෙපාර්තමේන්තුව ප්‍රකාශ කළේ, එම මුහුදු ප්‍රදේශයේ පවතින අඩු පීඩන කලාපයේ බලපෑමෙන් සුළගේ වේගය ඉහළ ගොස් ඇති බවයි.

අදාළ මුහුදු ප්‍රදේශවල සුළං වේගය පැයට කිලෝ මීටර් 50 - 60 ත් අතර වේගයක් දක්වා ඉහළ යනු ඇති බව කාලගුණ අනාවැකියේ සඳහන් ය.

කාලගුණ විද්‍යා දෙපාර්තමේන්තුව ප්‍රකාශ කරන්නේ උතුරු , උතුරුමැද සහ නැගෙනහිර පළාත්වල වැසි තත්ත්වයේ  වර්ධනය වීමක් හෙට(17) දිනයේ අපේක්ෂා කරන බවයි.

නැගෙනහිර සහ ඌව පළාත්වලත් පොළොන්නරුව, මාතලේ සහ හම්බන්තොට දිස්ත්‍රික්කවලත් වැසි වාර කිහිපයක් ඇතිවිය හැකියි.