සිසුන්ගෙන් 78% කට ආහාර වේලක් - අධ්‍යාපන අමාත්‍යාංශය

COLOMBO (News 1st) - මෙරට පාසල් පද්ධතියෙන් 78% ක සිසුන්ට මේ වනවිට ආහාර වේලක් ලබා දෙන බව අධ්‍යාපන අමාත්‍යාංශය පවසයි.

එහි අතිරේක ලේකම් මහින්ද යාපා මහතා සඳහන් කළේ, ඒ අනුව පාසල් 7925 ක මෙම වැඩසටහන ක්‍රියාත්මක බවයි.

සෙසු පාසල්වල ද පෞද්ගලික අංශයේ දායකත්වයෙන් පෝෂණ වැඩසටහන් ආරම්භ කර ඇති බව ඔහු ප්‍රකාශ කළේ ය.

පාසල් සිසුන් නිවසින් රැගෙන ආහාර වේලේ පෝෂ්‍ය ගුණය පිළිබඳ අධීක්ෂණය කරන ලෙස ගුරුවරුන්ට උපදෙස් දී ඇති බව ද අතිරේක ලේකම්වරයා ප්‍රකාශ කළේ ය.