ඔස්ට්‍රේලියාවෙන් පිටුවහල් කළ ලාංකිකයන් 21 දිවයිනට

 

COLOMBO (News 1st) – ඔස්ට්‍රේලියාවෙන් පිටුවහල් කළ ශ්‍රී ලාංකිකයන් 21 දෙනෙකු දෙනෙකු අද පෙරවරුවේ මෙරටට පැමිණ තිබේ.

අප වාර්තාකරු සඳහන් කළේ, ඔවුන් නීති විරෝධීව බෝට්ටු මගින් ඔස්ට්‍රේලියාවට ඇතුළුවීමට උත්සාහ කර එරට අත්අඩංගුවට පත්ව ක්‍රිස්මස් දිවයිනේ රඳවා සිටි පිරිසක් බවයි. විශේෂ ගුවන් යානයකින් එම පිරිස දිවයිනට එවා තිබේ. පිරිස මීගමුව , මුලතිව් , හලාවත , උඩප්පුව , තොඩුවාව සහ මාරවිල ප්‍රදේශවල පදිංචිකරුවන් ය. මේ අතර හෙට දිනයේ තවත් පිරිසක් ක්‍රිස්මස් දිවයිනේ සිට මෙරටට රැගෙන ඒමට නියමිත බව ආගමන විගමන දෙපාර්තමේන්තුව සඳහන් කළේ ය.