ICC ටෙස්ට් ක්‍රිකට් ලෝක ශූරතාවලියේ අවසන් තරගයට වැස්සෙන් බාධා

News 1st - අන්තර් ජාතික ක්‍රිකට් කවුන්සිල(ICC) ටෙස්ට් ක්‍රිකට් ලෝක ශූරතාවලියේ ඉන්දියාව සහ නවසීලන්තය අතර අවසන් මහා තරගය අද (19) ආරම්භ කිරීමට කටයුතු යොදා තිබේ.

ඊයේ(18) දිනයේදී මෙම තරගය ආරම්භ කිරීමට නියමිතව තිබු නමුත් එංගලන්තයේ සවුත්තැම්ප්ටන්හි රෝස් බෝල් ක්‍රීඩාංගණයට ඇති වූ වර්ෂාව හේතුවෙන් කාසියේ වාසිය උරගා බැලීමට හෝ අවස්ථාවක් උදා වූයේ නැත. මෙම තරගාවලියේ රීතිවලට අනුව නියමිත දින 5 ට අමතරව අවශ්‍ය අවස්ථාවලදී යොදා ගැනීමට අතිරේක දිනයක් ද පවතින බැවින් අද සිට දින 5ක කාලයක් තරගය පැවැත්වීමේ අවස්ථාව හිමිවේ.