එක්සත් ජාතික පක්ෂයේ මහ ලේකම් ධුරය ශමල් සෙනරත්ට

COLOMBO (News 1st) - එක්සත් ජාතික පක්ෂයේ මහ ලේකම් ධුරයට ප්‍රසන්න ශමල් සෙනරත් මහතා පත් කර තිබේ.

ඒ, අකිල විරාජ් කාරියවසම් මහතා ඉවත් වීමෙන් වූ පුරප්පාඩුව සඳහායි. වයඹ පළාත් සභාවේ හිටපු විපක්ෂ නායකවරයා ලෙස කටයුතු කළ ඔහු ඊයේ දිනයේදී පක්ෂ නායක රනිල් වික්‍රමසිංහ මහතා අතින් පත්වීම ලිපිය ලබා ගත්තේ ය. එක්සත් ජාතික පක්ෂයේ කෘත්‍යාධිකාරී මණ්ඩලයේ සාමාජිකයෙක් ලෙස වසර 17ක් නියෝජනය කර ඇති අතර එම පක්ෂ සන්නිවේදන බලකායේ ජාතික සංවිධායක ලෙස ද ඔහු මීට පෙර කටයුතු කළේ ය.