සුනඛයෙකු මීගමුවේදී වෙඩිතබා ඝාතනය කෙරේ

COLOMBO (News 1st) - මනුෂ්‍යත්වයට නිගාදෙන සිදුවීමක් අද මීගමුව පෙරියමුල්ල ශාන්ත අන්තතෝනි මාවතෙන් වාර්තා විය.

CCTV දර්ශන අනුව සිද්ධිය සිදුවූයේ අද උදෑසන 6.20 ට පමණි. එම දර්ශන අනුව අසල නිවෙසකින් පිටතට පැමිණ මාර්ගයේ සිටි සුනඛයෙකුට වෙඩි තැබීමක් සිදුවිය. වෙඩි ප්‍රහාරයෙන් ටික වෙලාවකට පසු සුනඛයා මිය ගියේය. සිද්ධිය සම්බන්ධයෙන් අසල්වැසියෙකු අත්අඩංගුවට ගෙන අධිකරණය ඉදිරිපත් කිරීමෙන් පසුව ඇප මත මුදා හැරියේය. සැකකරු විශ්‍රාමික පොලිස් නිලධාරියෙක් බවද පොලිසිය සඳහන් කළේය.