බද්දේගම පාසලක සිසුන් පිරිසකට ප්‍රහාරයක්

COLOMBO (News 1st) - බද්දේගම වැලිවිටිය දිවිතුර කොට්ඨාසයේ පාසලකට පැමිණි කිසියම් පිරිසක් සිසුන්ට පහරදීමේ සිදුවීමක් වාර්තා විය.

මාර්තු 01 වැනි දා පාසලේ සිසුන් කණ්ඩායම් දෙපිරිසක් අතර බහින් බස්වීමක් සිදු ව තිබේ. පොලීසිය ප්‍රකාශ කළේ, ඉන් එක පාර්ශවයක සිසුන් කොටසක් විසින් පිටතින් කිසියම් පිරිසක් රැගෙන විත් අනෙක් සිසුන්ට පහරදී ඇති බවයි. පිටතින් පැමිණි පිරිස සිසුන්ට පහරදෙන අයුරු පාසලෙහි CCTV කැමරාවල සටහන්ව තිබුණි. පහරදීමෙන් සිසුන් දෙදෙනකු තුවාල ලබා බද්දේගම ප්‍රාදේශීය රෝහලේ ප්‍රතිකාර ලබා ඊයේ පිටව ගොස් තිබුණි. පහරදීම සම්බන්ධයෙන් සැකපිට එක් පුද්ගලයෙකු අත්අඩංගුවට ගත් අතර ඔහු ලබන 10 වැනි දා දක්වා රක්ෂිත බන්ධනාගාරගත කළේ ය. සැකපිට තව ත් සිසුන් තිදෙනෙකු ලබන 10 වැනි දා දක්වා කිතුලන්පිටිය ළමා නිවාසයේ පරිවාස භාරයේ රඳවා තිබේ. තව ත් සැකකරුවන් පිරිසක් සොයා පරීක්ෂණ ක්‍රියාත්මකයි.