පාර්ලිමේන්තුව අද මධ්‍යම රාත්‍රීයේ සිට විසුරුවා හැරේ

COLOMBO (News 1st) - පාර්ලිමේන්තුව අද මධ්‍යම රාත්‍රීයේ සිට ක්‍රියාත්මක වන පරිදි විසුරුවා හැර තිබේ.

ජනාධිපති ගෝඨාභය රාජපක්ෂ මහතාගේ අත්සනින් යුත් පාර්ලිමේන්තුව විසුරුවා හැරීමට අදාළ ගැසට් නිවේදනය මීට ටික වේලාවකට පෙර නිකුත් විය. එම ගැසට් නිවේදනයට අනුව, පාර්ලිමේන්තු මහ මැතිවරණය අප්‍රේල් මස 25 වැනි දා පැවැත්වීමට නියමිතයි. ඊට අදාළ නාමයෝජනා කැඳවීම ලබන 12 වැනි දා සිට 19 වැනි දා මධ්‍යහන 12.00 දක්වා සිදු කෙරෙනු ඇති. නව පාර්ලිමේන්තුව රැස්වීමේ දිනය මැයි මස 14 වැනි දා ලෙස ද ගැසට් නිවේදනය මගින් ප්‍රකාශයට පත්කර තිබේ.