ගෙවුණු දවස උණුසුම් කළ පුවත්…

දේශීය පුවත් 1. මැතිවරණයේදී මනෝ, හකීම් හා පාඨලීගේ සහය සජිත්ට :සජිත් ප්‍රේමදාස මහතාගේ නායකත්වයෙන් බිහි කරන පුළුල් ජනතා සන්ධානයට තම පක්ෂවල සහාය ලබා දෙන බව ජාතික හෙළ උරුමය, දමිල ප්‍රගතිශීලි සන්ධානය හා ශ්‍රී ලංකා මුස්ලිම් කොංග්‍රසය පවසයි. 2. රන්ජන් රාමනායක ලබන 26 දක්වා රක්ෂිත බන්ධනාගාරයට : මන්ත්‍රී රන්ජන් රාමනායක මහතාගේ ඇප ඉල්ලීම ප්‍රතික්ෂේප කළ නුගේගොඩ මහේස්ත්‍රාත් අධිකරණය ඔහු ලබන 26 වැනිදා දක්වා රක්ෂිත බන්ධනාගාරගත කිරීමට නියෝග කර ඇත. 3.පාර්ලිමේන්තු වියදම් ගැන විදුරගෙන් ආන්දෝලනාත්මක ප්‍රකාශයක්: පාර්ලිමේන්තුව පවත්වන දිනකදී රුපියල් ලක්ෂ 92ක් වියදම් කළත් එහි ප්‍රතිපල තවමත් ලැබී නොමැති බව රාජ්‍ය අමාත්‍යවරයා පවසයි. 4.නව දිස්ත්‍රික් ලේකම්වරු 5ක් පත් කිරීමට පියවර: දිස්ත්‍රික්ක 5ක් සඳහා නව දිස්ත්‍රික් ලේකම්වරුන් පත් කිරීමට රාජ්‍ය පරිපාලන හා ස්වදේශ කටයුතු අමාත්‍යාංශය තීරණය කර තිබේ. විදෙස් පුවත් 1. දිල්ලි ව්‍යවස්ථාදායක සභා මැතිවරණයේ ජය අර්වින්ද් කේජ්රිවාල්ගේ නායකත්වයෙන් යුත් ආම් ආද්මි පක්ෂයට :ඉන්දියාවේ දිල්ලි ව්‍යවස්ථාදායක සභා මැතිවරණයේ ජය තහවුරු කර ගැනීමට අර්වින්ද් කේජ්රිවාල්ගේ නායකත්වයෙන් යුත් ආම් ආද්මි පක්ෂය සමත් විය.