පොලීසියේ ජ්‍යෙෂ්ඨ නිලධාරින් 10කට ස්ථාන මාරුවීම්

COLOMBO (News 1st) : පොලිස් අධිකාරීවරයකු ඇතුළු තවත් ජ්‍යෙෂ්ඨ පොලිස් නිලධාරින් 10 දෙනෙකුට ස්ථාන මාරුවීම් ලබා දී තිබේ. පොලිස් මූලස්ථානය සඳහන් කළේ, සහකාර පොලිස් අධිකාරීවරුන් 7 දෙනෙකු , ප්‍රධාන පොලිස් පරික්ෂකවරයකු සහ පොලිස් පරික්ෂකවරයකුට පොලිස් කොමිසමේ අනුමැතියට යටත්ව එලෙස ස්ථාන මාරු වීම් ලබාදී ඇති බවයි. ස්ථාන මාරුවීම් යටතේ සහකාර පොලිස් අධිකාරී ජේ. එම්. එස් .බී. ජයසිංහ මහතා, කුරුණෑගල කොට්ඨාසයේ සිට නුවරඑළිය කොට්ඨාසයට ස්ථාන මාරුවීම් ලබාදුන් බව පොලිස් මූලස්ථානයට සඳහන් කළේ ය.